شەفەق نیوز/ سەرچەوەیگ ئەمنی لە میسان،ئمڕوو دووشەممە،خەوەردا ک چەکدارەیلیگ پەلامار ماڵ پزشکیگ پسپۆڕ لەناوڕاس پارێزگاگە دان.
سەرچەوەگە ئەرا ئاژانس شەفەق نیوز وت: چەکدارەیلیگ شەفەق ئمڕوو گولەواران ماڵ دکتۆر حەیدەر سەعدون لەناوڕاس شار عمارە دان، ک بۊیە هووکار زەرەدەیل دارایی لە رۊی ماڵەگە.
سەرچەوەگە دیاری کرد ک ئەو کەسەیلە لە بنەماڵەی یەکیگ لە قوربانیەیل ڤایرۆس کۆڕۆنا لە پارێزگاگە بۊینە ک دەسیان هاناو پەلامارەگە ک وەرجەیە توومەتبار دکتۆر سەعدون کردنە گوایە بۊیەسە هووکار مردنی، باوجی دادگا بیگوناهی کرد.