شفق نيوز/ دەسەی دەسپاکی فیدراڵی، ئمڕوو دووشەممە، بڕیار سزادان غیابی وە زندانیکردن دەرکرد لەبان سەرۆک وەرین ئەنجومەن پارێزگای نەینەوا، ئەرا ئەنامداین تاوان گەندەڵی.
فەرمانگەی یاسایی دەسەگە لە بەیاننامەیگ رەسیە ئاژانس شەفەق نیوز راگەیان، دادگای تاوانەیل رەسافە سزای غیابی دەرکرد ئەرا زیندانییگ ک وایە سەرۆک وەرین ئەنجومەن پارێزگای نەینەوا وە زیندانیکردن ئەرا ماوەی پانزە ساڵ، لەبان بنەمای بڕگەیل مادەی (315) لە یاسای سزادان.
فەرمانگەگە ئاشکەرایکرد، ئەو کەسە وە هاوبەشی وەرد توومەتباریگ دەسنایە وەبان مووچەی یەکیگ لە فەرمانبەرەیل لە یەک تەمووز 2015 تا یەک نیسان 2017، دیاریکرد ئەو فەرمانبەرە لەو ماوە موولەت چوارساڵە وەرگردوێد.
.