شەفەق نیوز/ ئمڕوو یەکشەممە 9 نیسان 2023، بیس ساڵ وەبان ئازادکردن عراق لە دەس رژێم وەرین عراق رەدبوی.
لەدویای ئەوەگ لە 20 ئازار ساڵ 2003 پەلاماریگ ئاسمانی هێزەیل ئەمریکا و بەریتانیا و هاوپەیمانیەیل لەبان بنکە و بارەگەیل رژێم بەعس وەرین دەسوەپیکردنە، لە رێکەفت 9 نیسان کۆنتڕۆڵکردن و ئازادکردن تەواو عراقیەیل راگەیان.
رمان پەیکەر سەدام لە مەیدان فەیردەوس پەیام رمیان رژێمە 33 ساڵەگەی بوی.
لە پرۆسەی ئازادکردن عراق بیجگە لە هێزەیل ئەمریکا هێزەیل بەریتانیا و ئوستورالیا و پۆلەندا و ئیتاڵیا و ئسپانیا بەشدابوی و پاڵپشتی ئەو پرۆسەکرد.
لە دویای رەدبوین 20 رووژیش لە رێکەفت یەک ئایار ئەمریکا کۆتایهاتن وە پرۆسەگە راگەیان.