شەفەق نیوز/ دادگای تاوانەیل دیالە، ئمڕوو چوارشەممە،  سزای پانزە ساڵ زندانیکردن دەرکرد لەبان سێ تاوانبار وە تاوان بازرگانیکردن وە مادەیل هووشبەر. 

ناوەن راگەیانن ئەنجومەن باڵای دادوەری لە بەیاننامیگ ئمڕوو راگەیان، " دادگای تاوانەیل دیالە وە دویاچین ئەرا دۆسیەی سێ تاوانبار کرد، وە سزای پانزە ساڵ زیندانیکردن ئەرا هەر یەکیگیان دەرکرد، لە دویای ئەوەگ 3 کیلۆ گرام لە مادەی کریستال هوشبەر وەپی گیریایە وەگەرد دەسناین بان (5) هەزار دەنگە حەب لە جویر سفر-یەک". 

وتیش، " سزاگان وەپای بنەمای مادەی 28/ یەکەم لە یاسای مادەیل هووشبەر و کاریگەریل دەروینی شمارە 50 ساڵ 2017 ئەرا ئەو سێ تاوانبارە دەرچگە".