شەفەق نیوز/ سەرچەوەیگ ئەمنی لە کەرکوک، ئمڕوو جومعە، خەوەردا لە دەسگیرکردن بکوش مناڵەگە دوای ڕوژیگ لە دیارنەمانی لە دەوروگەرد ناوەند پارێزگاگە. 

سەرچەوەگە وە ئاژانس شەفەق نیوز وت، پۆلیس (ئازادی) لە کەرکوک لەماوەی ئۆپراسیۆنیگ توەنستن دەسگیر بکوش مناڵەگە بکەن لە دویای ڕووژیگ لە دیارنەمانی لە گەرەک خەزرا لە کەرکوک. 

سەرچەوەگە وتیش، مناڵە قوربانیەگە کوڕ ئەفسەر موقەدەمیگە لە نویسینگەی دژە تاوان بێجی، وەلایەن یەکیگ لە کەسە نزیکەیل ئەفسەرەگە ڕفیاگە لەوەر گرفت دارایی لە مابەینیان وە کوشتنی کۆتایی وەکارەگە هاوردیە. 

وتیش چەودێری هەواڵگیری پۆلێس کەرکوک لە وەختیگ پەێمانەیی بکوشەگە دەسگیر کردن.  وەڕێەوبەرایەتی پۆلیس کەرکوک لە بەیاننامیگ ئمڕوو وت، هێزەیل پۆلیس وە هەماهەنگی وەگەرد سەرۆکایەیتی پۆلیس پارێزگای سەڵاحەدین توەنستن تاوانبار سەرەکی دەسگیر بکەن لە پارێزگای سەڵاحەدین و دان وە تاوانەگەی دایە ک مناڵەگە رفانیە. 

لە بەیاننامەگە دیاری کرد، هێزیگ لە پۆلیس فریاگوزاری و دژە تاوان ئازادی و پوڵیس هەفتا و مەفرەزەیگ لە وەڕێەوبەرایەتی هەواڵگێری ئەرا لێکۆڵینەوە چگنە شوین ڕفانن مناڵەگە دوینن تاوانبار سەرەکی وەگەرد هاوبەشەگەی  هەڵسیانە وە کوشتنی وەرجە ڕووژیگ و تەرمەگەی فڕەدانە لەبان ری سەرەکی کەرکوک- سلێمانی. 

وەگورەی بەیاننامەگە لە دویای وەرگردن ڕەزامەندی دادوەر لێکۆڵەر تاوانبار دویەم دەسگیرکریا لە پارێزگای کەرکوک وەگورەی ماددەی 406 /1/أ لە یاسای سزادان عراقی بەند کریاگە لە داننانە سەرەتایەگن دان راسی قسەگەگان نایە.