شەفەق نیوز/ کۆمپانی نەفتی سۆمو، ئمڕوو دەەشەممە، دووپاتکرد ک ئوردن دانووستان وەگەرد عراق کەێد لەباوەت نەفت سەنین لە نووەو، دویای وەسەرچگن گریەبەسیە وەرینەگەی.
عەلا یاسری وەڕێۆبەر کۆمپانیاگە ئەرا ئاژانس شەفەق نیوز وت: عراق لەماوەی مانگ کانون یەکەم هەناردەی نەفت ئەرا ئوردن نەکردگە، لەوەر وەسەرچگن ماوەی گریەبەسی هەناردەی نەفت خام ئەرا ئوردن، و دیاریکرد ک ئیسە ئوردن دانووستان وەگەرد عراق کەێد لەباوەت نووەکردن گریەبەسیەگە.
یاسری وتیش؛ ئەوەسا لە گریەبەسیە نووەگە بڕە نەفتەگان ک ئەرا ئوردن هەناردە کریەن و ماوەی گریەبەسیەگە دیاری کریەن، و پێشبینی کرد ک وەی نزیکە گریەبەسیەگە نووە بکریەێد و وەشیوەیگ فەرمی راگەیاننی بکریەێد.