شەفەق نیوز/ سەرچەوەیگ لە پۆلیس عراق، ئمڕوو چوارشەممە، خەوەردا لە وە ئامانجگردن پەیمانگای "کامبرێج"فێرکاری بەریتانی لە پارێزگای دیوانیە باشوور وڵاتەگە.
سەرچەوەگە وە ئاژانس شەفەق نیوز وت، چەکدارەیل نەناسریایگ، شەوەکی ئمڕوو، پەیمانگای "کامبریج" کردنەسە ئامانج وە نارنجەکیگ دەنگی لە دیوانیە لە ئەنجام یەکیگ لە پاسەوانەیل بیناگە کەلەمەداربوی.
وەزارەت ناوخوەی عراق، دویکە سێشەممە، دەسگیرکردن توومەتبارەیلیگ راگەیان کە پەلامار چێشتخانە و پەیمانگەی فێرکاری کامبرێج و کۆمپانیای کاتربیلەر دان لە بەغدای پایتەخت وەپای مادەی چوار لە یاسای دژە تیرۆر، وەداخەو شمارەیگ لە توومەتبارەیل سەر وە دەزگای ئەمنین کە هەڵسیانە وەی کارەیل بشیونیە وە ویانگ وە ئانج گردن بەرژەوەنیەیل ئەمریکی.