دەسەگە لە بەیاننامەیگ رەسیە ئاژانس شەفەق نیوز وت: کەشوهەوای ئمڕوو شەممە لە ناوچەی ناوڕاس وڵاتەگە رووشن وەگەرد لەکە ئەوریگ بوود، و لە ناوچەی باکوور کەشوهەوا رووشنە وەگەرد کەمیگ ئەور و شەوەکی تەم دروس بوود کەمکەم پاکەو بوود، و لە ناوچەی باشوور رووشنە وەگەرد کەمیگ ئەور ، و پلەی گەرمی نزیک دویەکە بوود، دیاری کرد ک پلەی گەرمی مەزن ئمڕوو لە بەغداد و کەربەلا ٢٠ پلەی سیلیزیە، و لە دهۆک و هەولێر ١٨ پلە، و لە ئەنبار ١٧ قلە، و دیالە و کەرکوک ١٩ پلە، و نەجەف و دیوانیە و واست و بابل ٢١ پلە، و لە بەسرە ٢٣ پلە.
دەسەگە وتیش؛ سوو یەکشەممە ، کەشوهەوای گشت ناوچەیل وڵاتەگە رووشنە وەگەرد کەمیگ ئەور و شەوەکی تەم دروس بوود کەمکەم پاکەو بوود، و پلەی گەرمی نزیک دویەکە بوود.
وتیش: رووژ دووشەممە، کەشوھەوای ناوچەی ناوڕاس رووشن بوود و ئەرا نیمچە ئەور ئاڵشت بوود، و لە ناوچەی باکوور کەشوهەوا نیمچە ئەور و کەمکەم بوودە ئەور تەواو وەگەرد دەرفەت وارین، و کەشوھەوای ناوچەی باشوور رووشنە وەگەرد کەمیگ ئەور ، و پلەی گەرمی نزیک پلەی دویەکە.
دیاری کرد ک رووژ سێشەممەی ئایندە ، کەشوھەوای ناوچەی ناوەڕاس نیمچە ئەورە، و پلەی گەرمی کەمیگ لە رووژ وەرجەخوەی بەرزتر بوود، و لە ناوچەی باکوور کەشوهەوا نیمچە ئەور و وەشەو بوودە ئەور و نمە وارانیگ، و پلەی گەرمی کەمیگ لە رووژ وەرجەخوەی داوەزێد، و لە ناوچەی باشوور بوودە نیمچە ئەور وەگەرد دەرفەت نمە وارانیگ، و پلەی گەرمی نزیک رووژ وەرجەخوەی.
وتیش: کەشوهەوای رووژ چوارشەممە، لە ناوچەی ناوڕاس نیمچە ئەور تا ئەور تەواوە وەگەرد نمە وارانیگ جیاجیا، و ناوچەی باکوور بوودە ئەور وەگەرد نمە وارانیگ هاتێ زیاتر بوود، و پلەی گەرمی نزیک رووژ وەرجەخوەی، و کەشوهەوای ناوچەی باشوور رووشنە وەگەرد کەمیگ ئەور ، و پلەی گەرمی کەمیگ لە رووژ وەرجەخوەی بەرزتر بوود.