شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە،  دووارەی داواکردن لە گرنگی ئەوە کرد ک وەڕیەوبەردن هاوبەشیگ ئەرا ناوچە دابڕیایەیلە لەناوبردن هەولێر و بەغدا بوود، تا ری وە ریخریاگ داعش بەێد دووارە لەناو وڵاتەگە فراوان بوود، ودیاری کرد ک کاریگەریەیل دەرکەفتن ئی ریخریاگ تونڕەوە تا ئیسە تەواو نەۊیە.       

سەرۆک بارزانی کە وتارەگەی لە کۆبونەوەی ئاشتی و ئاسایش لە خوەرهەڵات ناوڕاس ۆ زانکۆی ئەمریکی لە کوردستان – دهۆک سازێدەی وت: هەڵبژاردن دۊیایین ٦ مانگ وەرجە مەوقەی خوەی ئەنجام دریا، ئەوەیش لە جیوەجیکردن داوای ناڕەزایل خۆپیشاندان ٢٠١٩، و جەخت کرد ک بایەتە هەڵوێست و نووڕستنیگ ئەرا عراق دۊیا و وەرجە داعش بیاشتایمن و لە خوەمان پرسیار بکەیمن ک ئەو هووکارەیلە ک هیشت داعش پەیا بوود تەواو بۊین؟ وەڕاسیەو نە.    

وتیش: دۊیای هەڵبژاردن دەرفەتەگە ئەرا پێشکەش ماف سرووشتی گەلەگە و وەدەسهاوردن ئاسایش و ئارامی هەس، یەیش وەختیگ خوازێد، و بایەتە حکومەت هاتگ کار ئەرا جیوەجیکردن داواکردن گەل بکەێد، و هاوبەشی سیاسی وەگەرد گشتی.       

سەرۆک هەرێم کوردستان وتیش؛ راسە ئیمە سەرکەفتن سەربازی لەبان داعش هاوردیمن، باوجی لەی مەوقە هایمنە نوای  دوو قۆناغ: یەکەمەگە بتەوکردن بڕوایی و ئاشتی و ئاسایش و ئارامی ز ودۊیەمەگە وە دابینکردن خزمەتگوزاری ئەرا گشت گەلەگە.       

و باس ئەوەیش کرد ک عراق سێ پێکاتە دیرێد، شیعە و کورد و سونە، و ئی پێکاتەیلە جوگرافیای سیاسی دیرن ک گردیان کەێد، ئەراوە بایەتە وە هاوبەشی ناوبەین حکومەت هەرێم کوردستان و حکومەت فیدراڵ ناوچەیل مادەی ١٤٠ لە دەستوور عراق وەڕیەو بچوود،  تا دیەگە لەنوای گلەوخواردن داعش بووڕێد، و نەیلێد دووارە فراوانەو بوود.