شەفەق نیوز/ مەسعود پزیشکیان سەرۆک نوو ئیران، دووپات کرد کە وڵاتەگەی گرنگی گەورەیگ دەێدە عراق، ئەوەیش لە پەیوەندییگ تەلەفۆنی وەرد عەبدولەتیف رەشید سەرۆک کۆمار عراق، وەگورەی راگەیانن میدیایل راگەیانن فەرمی ئیران، ئمڕوو سێشەممە.
وتنیش: سەرۆک عراق پیرووزبایی لە پزیشکیان کرد وە بوونەی سەرکەفتتی لە هەڵوژاردن ئیران، و باس پەیوەندییەیل عراق و ئیران وە قویل و قایم کرد و پووڕیاگە وەرد بەرژەوەنی دوو وڵات.
رەشید دووپات لە گرنگیدان وڵاتەگەی ئەرا مقیەتیکردن ئی پەیوەندییەیلە کرد، هەمیش پەیاکردن بنەما ئەرا هاوکاری زیاتر لە بانان نزیک.
لەلای خوەییش، پزیشکیان باس ئومید خوەی کرد لە قویلەوکردن و گەشەپیدان ئی پەیوەندییەیلە لە بانان نزیک کرد وە هاوکاری وەرد گەورە وەرپرسەیل لە دوو وڵات.
سەرۆک نوو ئیران وتیش: ئیمە گرنگی گەورەیگ دەیمنە عراق مەزن، وتیش: ئی دوو وڵاتە نووڕین و هەڵوێست هاوبەش دیرن لە چینەیل فرەیگ، ئەوەسە کە وەگەرد قویلەوکردن پەیوەندییەیل و گەشەپیدان هاوکاری گونجیاس.