شەفەق نیوز/ بەرهەم ساڵح سەرۆک کۆمار عراق و ماسیۆ تولەر باڵوێز ئەمریکا لە بەغداد، ئمڕوو یەکشەممە، دووپاتکردن لە رێزگردن سەروەری عراق و رەتکردن دەسوەردانەگان وپەلامارەگان.
سەرۆکایەتی کۆمار لە بەیاننامەیگ رەسیە ئاژانس شەفەق نیوز وت: ساڵح وتولەر باس لە پەیوەندیەگان لەناوبەین هەردوگ وڵاتەگە کردن، وشیوەیل گەشەکردن ئاسۆیل هاوکاریەگان لە گشت چینەگان لە بنەمای گفتوگۆی ستراتیژی لەناوبەین هەردوگ وڵاتەگە، وەگورەی بەرژەوەنی هاوبەش وەگەرد گفتوگۆ لە رەوشەیل عراق وناوچەگە.
بەیاننامەگە وتیش: چەوپیکەفتنەگە هەمیش باس لە دویاترین گەشەگان کرد لە میدان هەرێمی وناودەوڵەتی. سەرۆک عراق و باڵوێز ئەمریکا دووپاتکردن لە گرنگی کاڵکردن ئاڵوزیەگان و وەکارهاوردن زووان گفتوگۆ لە چارەسەری باوەتە گیرهاتگەگان، تا رەسێدە ئەمن وئارامی ورێزگردن سەروەری ورەتکردن دەسوەردانەگان وپەلامارەگان.