شەفەق نیوز/ بەرهەم ساڵح سەرۆک کۆمار عراق، ئمڕوو چوارشەممە، باگوازکرد ئەرا دروسکردن هاوپەیمان ناودەوڵەتی ئەرا دژایەتی گەندەڵی، ودووپاتکرد لە گرنگی چارەسەرکردن گیچەڵ ئیسە لە سیستم حکومڕانی.
ساڵح لە وتار عراق لە کارەیل کومەڵەی گشتی نەتەوە یەکگرتووەکان لە خول ٧٥ ی وت: ئەیە یەکەم جارە لە مێژوو نەتەوە یەکگرتووەکان چەومان بکەفێدە کۆمەڵگە گشتیەگە وە ئەلیکتڕۆنی، وتیش؛ مەنین هەڕەشەی پەتاگە لە هەر شاریگ یا ئاواییگ خوەی هەڕەشەیگە لەبان گشت زەوی و هەمیش هەڕەشەی وەردەوامیگە ئەرا گشت جهان.
و دووپاتکرد لە گرنگی پلانسازی زوینە ئەرا دابینکردن یەکسانی لە دابەشکردن واکسینەگان.
ساڵح دووپاتکرد ک خەم سەردی لە نواگردن گەندەڵی ودەسوەردانەگان ک سەروەری نیشتمانی پێشێل کەن، خوەیان ریگری کەن لە تەقەلایل دژایەتی تیرۆر وتوندڕەوی، وتیش؛ ئومید پشتگیری خوازیمن لە کۆمەڵگای ناودەوڵەتی ئەرا ئاشکراکردن پویلە قاچاخکریایەگان و ئەو گەندەڵەیلە ک ئی پویلەیلە قاچاخ کەن.
سرۆک عراقی داواکاریەگەی نووەوکرد لە دروسکردن هاوپەیمان ناودەوڵەتی ئەرا دژایەتی گەندەڵی وهاوردنەوەی پویلە تاڵان کریایەگان.
هەمیش وت: عراق جوولەی جەماوەری وەخوەی دی، ک لە ئارازوو وە ئاڵشتکردن لەوڵاتەگە دەرچگە ، وەشیوەیگ بگونجیەێد وەگەرد تەمای گشت عراقیەگان، ودیاریکرد ک ری چاکسازی لە وڵاتەگە دەسکردەپی، بەڵکم وەختیگ ورەجەیل فرەیگ خوازێد تا ئەجامەگان وەدەس بارێد.
ودیاریکرد ک حکومەت نوو وەسەرۆکایەتی موستەفا کازمی دروس بی جوور وەڵامیگ ئەرا ئەرا جوولە جەماوەریە گەوراگە ک داوای چاکسازی کرد، و عراقیەگان نووڕنە سەردەمیگ سیاسی نوویگ گیچەڵە بنەڕەتیەگە چارەسەر بکەێد لە سیستم حکومڕانی لە دویای ٢٠٠٣ ، وحکومڕانی دانایگ ئەرای دابین بکەێد.
سەرۆک کۆمار عراق وت: وەرپرسایەتی گەورایگ هالە لە وەردەم حکومەتەکە ، لە لایەنە سەرەکیەگەی دەسکرن وە چاکسازیە لە شیوەیل سیاسی و ئابووری وئیداری دژایەتی گەندەڵی وگەندەڵەیل وکار ئەرا ئەنجامداین هەڵبژاردن زوینە لە ساڵ ئایندە، وگیرهاوردن چەک وەدەس دەوڵەت.