شەفەق نیوز ٠ لیوا روکن ئەکرەم سەدام فەرماندەی ئۆپراسیۆنەگان بەسرە، ئمڕوو دووشەمە، دووپاتکرد ک هەر پەلاماریگ یا پێشێلکارییگ لەبان دەزگا ودامەزراوەیل و کادرەیل دەوڵەتەگە رەتکریاگە و یاسا سزادەریە.
سەدام لە بەیاننامەیگ رەسیە ئاژانس شەفەق نیوز وت: هێزە ئەمنیەگان رکدارن لە دابینکردن مقەیەتی کادەر پزشکیەگان و دامەزراوەیل وەڕێۆبەرایەتی تەندروسی بەسرە.
وتیش؛ فەرماندەی ئۆپراسیۆنەگان ئەوەسا پاڵپشتی هەڵوێست ئەمنی لە خەسەخانەگان و ناوەندە تەندروسیەگان لە ناوەند پارێزگای بەسرە کەێد.
سەدام دەسخوەشی لە ئەو دەور گەورا و کار مرۆییە ئەرا وەڕێۆبەرایەتی تەندروسی بەسرە وکادرە پزشکیەگان لەو ماوەی گوزەیشتە کرد ک بڵاوبوین ڤایرۆس کۆڕۆنا وەخوەی دی.
وتیش؛ بایەدە هێزە ئەمنیەگان ک وەرپرسن لە مقەیەتی خەسەخانەگان وەرپرسایەتی ئەمنی خوەیان لە مقەیەتی کادرەیل وەزارت تەندروسی لەمەوقەی دەوام فەرمییان هەڵگرن