شەفەق نیوز/ شەریف سولەیمان نوینەر ئێزدی لە پەرلەمان عراق، ئمڕوو دووشەممە، داوای یەکسانی ئێزدیەیل لە دروسکردن حکومەت نوو کرد، و وەزارەتیگ وەپیان بیریەێد.
سولەیمان لە بەیاننامەیگ رەسیە ئاژانس شەفەق نیوز وت: بایەتە یەکسانی وەرد پیکاتەی ئێزدی لەلایەن سەرۆک وەزیرەیل نوو محمد شياع سودانه بکرێەێد، و وەزارەتیگ لە حکومەتەگەی وەپیان بەێد.
وتیش: ئێزدیەیل کەفتنە وەر جینۆساید وەدەس ریخریاگ داعش تیرۆرست، و تا ئیسە رووژمانە فرەی ئێزدیەیل هانە ناو کامپەیل ئاوارەیی.
وتیش: ئێزدی لە پێکاتەیل ئاینی سەرەکیە لە وڵاتەگە، ئەراوە داوا لە هیزە سیاسیەیل کەیمن وەزارەتیگ لە حکومەت نوو وەپی بیریەێد، هەکاتی حکومەت عەلاوی و مالیکی.