شەفەق نیوز/ سەرچەوەیگ پزشکی لە فەرمانگەی تەندروسی زیقار، ئمڕوو شەممە، خەوەردا لە بەرزەوبوین تویشهاتنەیل تەو خۊنوەربۊن لە پارێزگاگە ئەرا ئاستیگ پەیمانەیی، و هەمیش خاسەوبوین نوو لە بیماریەگەیش توومار کریا.
سەرچەوەگە ئەرا ئاژانس شەفەق نیوز وت: پارێزگاگە ٤ تویشهاتن نوو وە ڤایرۆس تەو خۊنوەربۊن توومار کرد، تا گشت شمارەگە بڕەسێدە ٤٠ کەس، ٨ لەلیان وە بیماریەگە مردن.
سەرچەوەگە وتیش: لەبان ئی تویشهاتنەیلە، پارێزگاگە ٢٠ خاسەوبوین لە بیماریەگە توومار کرد.
زیقار لە ١٤ی ئایار ٢٠٢٢، بەرزەوبوین لە شمارەی تۊشهاتنەیل تەو خۊنوەربۊن ئەرا ٣٤ بیمار توومار کرد.