شەفەق نیوز/ سەرچەوەیگ ئەمنی وەرپرس، ئمڕوو چوارشەممە، خەوەردا ک لەلای کەمەو ١٦ کەس لە هێزە ئەمنیەگان زەخمداربوین لە پەلاماریگ کردەیانە ئامانج لە قەزای مجەر سەروە پارێزگای میسان.
سەرچەوەگە ئەرا ئاژانس شەفەق نیوز وت: داواکریاگیگ نارنجەی وەشانە بان هێزە ئەمنیەگان دویای ئەوە ک گیری هاوردن ئەرا گردنی لە قەزای مجەر لە میسان.
سەرچەوەگە وتیش؛ رووداوەگە بویە هووکار کوشتن داواکریایەگە و زەخمداری ١٦کەس لەلای کەمەو لە هێزە ئەمنیەگان و ئەفسەریگ هاناویان.
لە ماوەیل دویایین کارەیل کوشتن وتۆڵەی هووزانە و رووداوە ئەمنیەگان لە پارێزگایل باشوور عراق فرەوەبوی.