شەفەق نیوز/ قایمقام قەزای روتبە، عماد دلێمی، ئاشکرای زەخمداری شەش سەرباز و مەدەنی وە گولەی ریخریاگ داعش کرد، ک ئەو گەدەلویل خوەڵوتوزە وەکارهاوردنە ک دەێدە ناوچەگە.
دلێمی ئەرا ئاژانس شەفەق نیوز وت: خوەڵوتوزیگ داگە پارێزگای ئەنبار، ئەندامەیل ریخریاگ داعش وەکاری هاوردن، ک لەناو ماشینیگ پیک ئاپ بوینە و لە بیاوان ناوچەی عكاشات گەردینە، و تەقە لە بڕیگ مەدەنی کردن.
و دیاری کرد ک چوار سەرباز و یەک مەدەنی وەگەرد رانندەیگ ئوردنی زەخمدار بوینە، و بریانە خەسخانە، و دووپات کرد ک رینما وە کەرتەیل ئەمنی دریا تا مینەی ئەو تیرۆریستەیلە بکەن ک وەرەو بیاوان واینە.