شەفەق نیوز/ دەزگای گومرگەیل عراق، ئمڕوو یەکشەممە، راگەیان لە وەدەسهاوردن داهات مانگانەیگ رەسیە زیاتر لە ٧٦ ملیار دۆلار، و ئاماژەدا ک ئی داهاتە لەبان پەتای کۆرۆنا و کەمی هاوردە وەدەسهاتگە.

دەزگاگە لە بەیاننامەیگ رەسیە ئاژانس شەفەق نیوز وت: بڕ داهاتەگان ئەرا مانگ تەمووز رەسیە زیاتر لە ٧٦ ملیار دینار، هەرچن لەبان فرە چشت باج هەڵگریاگە، وهەمیش هاوردە کەمە لەوەر بەسین فرەی مەرزەگان لەوەر پەتای کۆڕۆنا.

ودیاری کرد ک کادرەگانی لە گشت وەڕێوبردنەگان و ناوەندە گومرگیەگان وەردەوامن وە هاوکاری ئەرا پاڵپشتی گەل و خاک، و وسیانەسە روی گشت سەختیەگان و ریگریەگان لە کار، تا برەسیمنە بەرزترین داهات، ووەپی پشتگیری گەنجینەی دەوڵەتەگە کەیمن رووژانە وە ملیاره‌ها دینار.

وتیش هووکار بوین لە ئاسانکاری وەناوهاتن هەزاران بار دەرمان و پێویستە پزشکیەگان و خواردەمەنی لە گشت ساعەتەیل شەو ورووژ، وەرەنج وچەودیری لەلایەن وەڕێوبەرایتی باڵا لە دەزگاگە ئەرا ئاسانکردن جووڵەی وەناوهاتن پێکهاتە سەرەکیەگان وەتایبەت لە دەرمان تا بڕەسێدە هاووڵاتیەگان لە سای ئی قەرانە.

دەزگای گومرگەیل دووپات کرد لە جەختە سەختەگەی ئەرا ئەنجامداین داهاتەیلیگ زیاتر ئەرا پاڵپشتی گەنجینەگەی دەوڵەت و هاوکاری و ووسانن لە روی کەم داراییەگەی وڵاتەگە.