شەفەق نیوز/ وەزارت تەندروسی وژینگەی عراق، ئمڕوو چوارشەممە، زیاتر لە ٧٠ مردن وە ڤایڕۆس کۆڕۆنا تۆمارکرد.
وەزارەتەگە لەبەیانامەیگ رەسیە ئاژانس شەفەق نیوز لە هەڵوێست رووژانەی پەتای کۆڕونا ئاماژەکرد لە تۆمارکردن ٣٤١٣ خاسەوبوین نوو تا بڕ خاسەوبوینەگان بڕەسێدە ٣١٩٧٨٤ ، و هەمیش ٣٩٢٣ تووشهاتن تۆمارکرد تا بڕە گشتیەگە بڕەسێدە ٣٩١٠٠٤ تووشهاتگ، و ژمارەی مردنەگان رەسیە ٩٦٠٤ کەس دویای تۆمار کردن ٧٣ مردن نوو.