شەفەق نیوز/ وەزارەت تەندروسی و ژینگەی عراق، ئمڕوو شەممە، داوەزینیگ لە تووشهاتنەکان ڤایڕۆس کۆڕۆنا لەماوەی ٢٤ ساعەت گوزەیشتە، وە بەراوردی رووژەیل گوزەیشتە تۆمار کرد.
وەزارەتەگە لەبەیانامەی هەڵوێست پەتاگە و وەرگردن واکسینەگە ک رەسیە ئاژانس شەفەق نیوز وت: تاقێگەیلی ٦٧٧٩ تووشهاتن، و ٣٧ مردن نوو وە ڤایڕۆس کۆڕۆنا تۆمار کرد و هەمیش ٤٨٩١ خاسەوبوین.
و دیاری کرد ک گشت ژمارەی وەرگرەیل واکسین دژوە ڤایڕۆس کۆڕۆنا رەسیە ١٣٣ هەزار و ٤٧ کەس.