شەفەق نیوز/ شمارەی خوەنشاندەرەیل لە مەیدان تەحریر ناوڕاس بەغداد، ئمڕوو شەممە، لە سێیەمین ساڵیاد خوەینشاندان تەشرین ک لە ساڵ ٢٠١٩ دەسوەپی کرد، هەمیش زیایەو بوی.
پەیامنێر ئاژانس شەفەق نيوز وت: بڕ خوەنشاندەرەیل دەسکردە زیایبوین ک ئیوارەی ئمڕوو سەدان کەس هاتنە ناویان، دویای ئەوە ک لە ساعەتەیل گوزەشتە شمارەیان کەم بوی.
وتیش: هیزە ئەمنیەیلە پەنا وە وەشانن بومب دویکەڵ بردن تا خوەنشاندەرەیل لە تەیمانەی ئەمنی بان پیەڵ جمهوریە دویرەو بخەن، ک ئەو پیەڵە مەیدان تەحریر وەگەرد ناوچەی خەزرا بەسێدە یەک.
وەگەرد ئەوەیش، سەدان لە عراقیەیل لە مەیدان نسور لەلای کەرخ بەغداد خوەینشاندان کەن، ک لەورا بەشیگ لە خوەنشاندەرەیل تەشرین کردنەی شوین ناڕەزاییان چوینکە ڕازی نیین لایەنگەرەیل رەوت سەدر بەشدارییان بکەن.