شەفەق نیوز/ دەزگای کەشوهەوا، ئمڕوو پەنجشەممە، مەزەنە کرد گرمەهڕ و داوەزین پە پلەی گەرمی ئەرا سوو جمعە بوود، و کەشوهەواگە ئەور تا نیمچە ئەور بوود لە ناوڕاس هەفتەی بانان.
دەزگاگە لە بەیاننامیگ رەسیە ئاژانس شەفەق نیوز وت: کەشوهەوای سوو جمعە ئەوەسا نیمچە ئەور تا ئەور تەواوی بوود وەگەرد نمە وارانیگ لە چەن شۊنێگ وەگەرد دەرفەت گرمەهڕ لە ناوچەیل ناوڕاس، و لە ناوچەیل باکوور نیمچە ئەور تا ئەور تەواوی وەگەرد نمە وارانیگ و جاروباریش گرمەهڕ بوود، و ناوچەیل باشوور لە نیمچە ئەور تا ئەور بوود وەگەرد نمە وارانیگ، و پلەی گەرمی کەمیگ داوەزێد.
وتیش: کەشوهەوای رووژ شەممە لە ناوچەی ناوڕاس بوودە نیمچە ئەور تا ئەور تەواوی وەگەرد نمە وارانیگ تایبەت لە بەشەیل خوەرئاوای، و لەناوچەی باکوور نیمچە ئەور تا ئەور تەواوی وەگەرد نمە وارانیگ تا وارانیگ ناوڕاسی و جاروباریش گرمەهڕ بوود، و ناوچەیل باشوور کەشوهەوا رووشن بوود وەگەرد پارچە ئەورەیلیگ، و پلەی گەرمی کەمیگ لە رووژ وەرجەخوەی بەرزتر بوود.
دەزگاگە وتیش: کەشوهەوای وڵاتەگە ئەرا رووژ یەکشەممە نیمچە ئەور بوود لە ناوچەیل ناوڕاس وپلەی گەرمی کەمیگ داوەزێد، و لەناوچەی باکوور نیمچە ئەور بوود وەگەدد نمە وارانیگ جاروباریش گرمەهڕ بوود، وپلەی گەرمی کەمیگ داوەزێد و لە ناوچەیل باشوور رووشن بوود وەگەرد بەشیگ لە ئەور، و پلەی گەرمی جۊر رووژ وەرجەخوەی مینێد.
ئەرا رووژ دووشەممەی ئایندە، کەشوهەواگە پاکە وەگەرد بەشیگ لە ئەور لە ناوچەیل ناوڕاس و باشوور، و لە باکووریش بوودە ئەور وەگەرد نمە وارانیگ تا وارانیگ ناوڕاسی و جاروباریش گرمەهڕ بوود، و پلەی گەرمی نزیک لە رووژیگ وەرجەخوەی بوود لە ناوچەیل ناوڕاس و باشوور وڵاتەگە، و لە بەش باکوور وڵاتەگە گەرمی کەمیگ بەرزەو بوود.