شەفەق نیوز/  فەرمانگەی لێکۆڵینەوە لە دەزگای دەسپاکی فیدڕاڵی، راگەیان ک کادرەیلی لە نویسینگەی لێکۆڵینەوەی دیالە سێ ئۆپراسیۆن ئاشکراکردن دزیکردن و دەسکاری لە فەرمانگەی کارەبا جیوەجی کردن.

فەرمانگەگە لە بەیاننامەیگ رەسیە ئاژانس شەفەق نیوز وت  تیم کاروبار نویسینگەی لێکۆڵینەوەی دیالە، توەنست وەڕیەوبەر بنکەی خاسەوکردن کارەبای هبهب بگرێد، لەوەر دزیکردن سیستەم چراخەیل ناحیەی هبهب، و دروسکردن زیاتر لە ٦ فایەل و وەرگردن چشتەیل، و دیاری کرد ک توومەتبارەگە ئەو چشتەیلە داگەسە بڕیگ لە ئەندامەیل ئەنجومەن نوینەرەیل، وەشیوەیگ نا یاسایی.

وتیش: دەسنریا بان فایەلیگ ک توومەتبارەگە دروست کردیە تا چشتەیل فەرمانگەگە دەێدە دەس یەکیک لە کارمەنەیل نویسینگەی پەرلەماتاریگ لە پارێزگاگە، وتیش؛ ئەو چشتەیلە ئەرا ناو ئەمار فەرمانگەگە توومار نەکردیە، هەمیش دەسنریا بان فایەلەیل وەرگردن محەولەی کارەبا لەبان فەرمان کاندیدەیلیگ ئەرا هەڵوژاردن پەرلەمان لە ساڵ ٢٠٢١، تا ئەرا پڕۆپاگەندەی هەڵوژاردن وەکاری بارن.

وتیش: تیمەگە کەفتە فتراق وەشکین و وەشوینکەفتن و هویردنووڕین لە فەرمانگەی کارەبای دیالە، و توەنست ئاشکرای ٤ چەک خەرجکردن درووکانی ئەرا سەنین تەڵ مس و پایە و سیستەم چراخ ئاشکرا بکەێد، وتیش؛ کارمەنەیل ناو ئەمارەیل ئەو چشتەیلە دانەسە دەس کەسەیلیگ نەناسریاگ، و وتنە گوایە دریانەسە دەس بنکەی خاسەوکردن دویای ساختەکردن و دەسکاری واژوو وەرپرسەیل ئەو بنکەیلە.