شەفەق نیوز/ پۆلیس بەسرە لە باشوور عراق، ئمڕوو یەکشەممە، ئاشکراکرد لە دەسگیرکردن چەتەی مەترسیداریگ وەرپرسە لە دزیکردن پویلەیل فرەیگ لە پارێزگاگە، وئاماژەکرد ک دەسنابان پویل فرەیگ لەلای گیریایەگان.
لیوا عەباس ناجی فەرماندەی پۆلیس بەسرە ئەرا ئاژانس شەفەق نیوز وت: دوو کەس دەسگیرکریان و دەسنریا بان ٣ ماشین و زیاتر لە دوو ملیار وسێسەد مەلیۆن دینار عراقی.
ودیاریکرد ک دژەتاوان ئەو کارە جیوەجی کرد، وتوێنست توومەتبارەگان دەسکیر بکەێد لە یەکیگ لەناوچەیل بەسرە، وتیش؛ هیمان وەردەوامە لە مینەکردن، و ئەو ناوچەیل گومانلیکریاگە وتەواوەتی دەوریان گیریاگە.