شەفەق نیوز/ فەرماندەی ئۆپراسیۆنەیل بەغداد، ئمڕوو شەممە، راگەیان وازکردن رییگ یە زیاتر لە ٨ ساڵە بەسیاگە، و دووپات کرد لە سەرپەرشتیکردنی لەبان هەڵمەت خاسەوکردن پێەڵ گرێعات.
فەرماندەگە لە بەیاننامەیگ رەسیە ئاژانس شەفەق نیوز: تەقەلای ئەندازیاری دووارە ری شێخ زاری لە نزیک بنکەی پۆلیس کەرخ لەناوچەی یەرموک واز کرد، ئەوەیش دۊای ئەو داواکرنەیلە ک لەبان ماڵپەڕەیل سۆشیال میدیا بۊە، و هەمیش ئەرا نواگردن قەرەباڵغی و سووکەوکردن بار هاووڵاتییەیل.
و دیاری کرد ک ئی جادە یە زیاتر لە ٨ ساڵە لەوەر کارەیلیگ ئەمنی بەسیاگە.
فەرماندەگە وتیش: سەرپەرشتیاری کارەیل خاسەوکردن و ئامادەکردن پێەڵ گرێعات لەلایەن فەرمانگەی ری وپێەڵەیل کرد، ئەوەیش وە هاووەخت وەگەرد نزیکبۊن ساڵیاد زیارەت رەجەبی ئەرا ئیمام موسای کازم.