شەفەق نیوز/ فەرماندەی ئۆپراسیۆنەیل بەغداد، ئمڕوو چوارشەممە، راگەیان دەسگیرکردن چوار توومەتبار وەگورەی مادەی ٤ تیرۆر لە جووراجور ناوچەیل بەغداد پایتەخت، لە بنەمای زانیاریەیلیگ هەواڵگری وورد.
فەرماندەگە لە بەیاننامەیگ رەسیە ئاژانس شەفەق نیوز وت: هێزیگ لە لیوای ٢٧ وە کوڵەگردن توکمەیگ توێنست توومەتباریگ وە مادەی ٤ تیرۆر لە ناوچەی مەنسور دەسگیر بکەێد.
وەگورەی بەیاننامەگە؛ هەواڵگری لیوای یەکەم لە فیرقەی یەکەم پۆلیس فیدڕالی وە هەماهەنگی وەگەرد دەزگای ئەمن نیشتمانی (ئەنبار) توێنستن توومەتباریگ تیرۆرست لە ناوچەی عەرەب جبوور بگرن، و هێزیگ لە خود فیرقەگە دوو توومەتبار وە مادەی ٤ تیرۆر لە کەرت وەرپرسایەتی فیرقەگە دەسگیر كرد.