شەفەق نیوز/ وەڕێەوەبەر زیندان  ناسرییە لە پارێزگای زیقار باشوور عراق، ئمروو سێشەممە، راگەیان شمارەیگ لە زیندانیەیل چگنە ئەرا خوەنستن ماستەر لە مژارەیل جیاجیا. 

ئەحمەد تائی وە ئاژانس شەفەق نیوز وت: "سێ زیندانی سزادریای وە کەیسەیل جوراوجور لە زانکۆیل عراق لە مژارەیل زانستی جوراوجورەیل دەس کردن وە خوەنستن ماستەر،  ک بریتین لە یاسا و ئەندازیاری و پزیشکی". 

وتیش: "وەڕێەوەبەرایەتی زیندانەگە گشت ڕەزامەندی فەرمی لە باڵاترین دەسەڵاتەیل وڵات وەرگردیە، وەخاتر تەواو کردن سێ زیندانیەگە خوەنستن باڵا لە ماجستێر لە ناو زیندانە  و   پۆل و کەش و هەوای گونجیاییگ ئەرایان دابین کریاگە".