شەفەق نیوز/ بانک KFW ی ئەڵمانی، ئمڕوو چووارشەممە، پێشکەشکردن پویل ئەرا عراق له‌باوه‌ت بنیادکردن چوار خەسەخانەی بیماری کۆڕۆنا راگەیان. بەیاننامەیگ ئەرا بانکەگە ئاژانس شەفەق نیوز چەودیریی کرد وت: گریەبەسیگ وەل حکومەت عراق واژوو کرد ئەرا بیناکردن چوار خەسەخانە لە سەرەتا وە بایی ١٥ مەلیۆن یۆڕۆ ، ودیاری کرد ک خەسەخانەگان تایبەت بوون ئەرا چارەسەرکردن تووشهاتگەیل کۆرۆنا، دویای بەرزەوبوین ژمارەی توشهاتنه‌گان لەعراق. بانکەگە وتیش: سەرەتا جوور خەسەخانەیل وەختانە دروس کریەن وه بینای ئامادەکریاگ پەیمانەیی، بەڵکم ئەرا ماوەی دریژیگ بوودە خەسەخانه‌یلیگ ئاسایی، و هەر خەسەخانەیگ ١٠٠ شەوخەف لەناوی بوود، و ٤٠ شەوخەف ئەرا چەودیری وورد. بانکەگە هەمیش وت: لە ماوەی کوڵیگ، زیاتر لە ٧٠٠٠ بیمار وە شیوەی راستەخۆ سودگرن لەو خەسەخانەیلە ک پلان نریاگە لە بەغداد و بەسرە و نەینەوا و سلێمانی دروس بکریەن.