شەفەق نیوز/ سەرچەوەیگ ئەمنی لە دیالە، ئمڕوو دوشەممە، خەوەردا لە گیان لە دەسدان دو کەس و زەخمداری سێ کەس لە رۊداویگ هاتوچو لە ری بەلەدروز-مەندەلی لە خوەرهەڵات پارێزگاگە.
سەرچەوەگە وە ئاژانس شەفەق نیوز وت، ژنیگ و کورەگەی گیان لە دەسدان، سێ کەسیش تۊش زەخمداری جوراوجور هاتنە لە ئەنجام لەیەکداین ماشینەیل لەبان رێ بەلەدروز-مەندەلی لە خوەرهەڵات دیالە.
سەرچەوەگە وتیش تەرم قوربانیەیل و زەخمدارەیلە ئەرا خەسخانە کلکریانە، دەسڵاتدارەیل هاتوچو رێکارەیل پێویست وەرگرن.