شەفەق نیوز/ سەرچەوەیگ ئەمنی، ئمڕوو شەممە، خەوەردا لە خنکیان دوو مناڵ لەناو چەم دیجلە، باکوور خوەرئاوای پارێزگای سەڵاحەدین.
سەرچەوەگە ئەرا ئاژانس شەفەق نیوز وت: دوو مناڵ لە تەمەن ١٢ و ١٠ ساڵان، لەناو چەم دیجلە مەوقەی تەقەلای مەلەوانیکردن لە ناحیەی حەجاج سەروە قەزای بێجی وەخنکیان گیانیان لەدەس دان.
سەرچەوەگە وتیش: پولیس ئاوی و خەڵکەگە تەرم دوو مناڵەگە دراوردن، و دەسەڵاتەیل ئەمنی لێکۆڵینەوە لە رویداوەگە واز کردن.