شه‌فه‌ق نيوز/ ماڵپه‌ڕ"ديبكا"ى ئسرائيلى وت: مه‌ندوبه‌يل ئه‌مريكى و ئيرانى له قه‌ته‌ر يا عراق وجوود ديرن وه ئامانج ره‌سين ئه‌را ريككه‌فتنيگ له‌وه‌ر كه‌مه‌وكردن گرژيه‌يل له‌ناونى وڵاته‌يل يه‌كگرتگ و ئيران.
ماڵپه‌ڕه‌گه وت: قه‌ته‌ر يا عراق ميواندارى نوێنه‌ره‌يل يا مه‌ندوبه‌يل هه‌ر يه‌ك له وڵاته‌يل يه‌كگرتگ و ئيران ئه‌كا ئه‌را تاووتوێكردن له‌ناونيان خوه‌يان وه ئامانج ره‌سين ئه‌را ريككه‌فتنيگ ك رازى هه‌ردوگلا بكاو له‌ئاست گرژيه‌يل وه‌رده‌وام ناونى هه‌ردوگلا كه‌مه‌و بكا.
وه‌گووره‌ى ئه‌و ماڵپه‌ڕ هه‌وڵگيريه، په‌يوه‌نديه‌يل نهێنى به‌رايى ناونى ته‌هران و واشنتۆن به‌شاره‌ت وه كه‌مه‌وكردن گرژى سه‌ربازى يا دژايه‌تيكردن ناونى هه‌ردوگلا ناكا ك هه‌رچه‌نى دۆناڵد تره‌مپ سه‌رۆكى ئه‌مريكا باس له‌وه كرد ك جه‌نگ ناخوازێد وه‌ل ئيران.