شەفەق نیوز/ سەرچەوەیگ ئەمنی وەرپرس، ئمڕوو یەکشەممە، خەوەردا لە کوشیان و زەخمداری سێ کەس وە مرافەیگ هووزانە لە خوەرهەڵات بەغداد پایتەخت.
سەرچەوەگە ئەرا ئاژانس شەفەق نیوز وت: مرافەیگ کەفتە ناوبەین هووزەیل شەمەر و عگێل، رەسیە چەک سووک و ناوڕاس، ئەوەیش لە ناوچەی کەمالی لە خوەرهەڵات بەغداد، ک بۊیە هووکار کوشیان دوو کەس و زەخمداری کەسیگ تر.
وەگورەی سەرچەوەگە، دوو کوشیایەگە لە هووز شەمەر بۊن، ئەرا کپەوکردن گرفتەگە دەس دانە وەر، و ئەو گرفتە لەوەر داناین چەمبەریگ لەبەردەم ماڵ یەکیگ لە هووز عگێل قومیا، و چەکدارەیلیگ لە هووز شەمەر رەسینە شۊن رووداوەگە.