شەفەق نیوز/شانەی راگەیانن ئەمنی، ئمڕوو شەممە، خەوەردا لە کوشتن ٧ ئەندام لە ریخریاگ داعش وە دوو گورز ئاسمانی لەلایەن هاوپەیمان ناودەوڵەتی لەبان زنجیرەی کویەیل قەرەچۆغ سەروە قەزای مەخموور لە نزیک پارێزگای هەولێر پایتەخت هەرێم کوردستان.
شانەگە ئمڕوو لە بەیاننامەیگ وت: وەگورەی زانیاریەیلیگ هەواڵگری ووردیگ و وەفەرمان هەماهەنگی لە فەرماندەی ئۆپراسیۆنە هاوبەشەگان، فڕۆکەیل هاوپەیمان ناودەوڵەتی دوو گورز ئاسمانی جیوەجی کەێد، یەکەمیان لە زنجیرەی کویەیل قەرەچۆغ و ئەواکە لە کەرت کەرکوک.
بەیاننامەگە وتیش؛ دوو گورزەگە بوینە هووکار کوشتن ٧ ئەندام لە داعش و ویرانکردن ٤ تونێل ک ئەندامە تیرۆرستەگان وەکاریان هاوردیان.