شەفەق نیوز/ سەرچەوەیگ ئەمنی لە نەجەف، ئمڕوو سێشەممە، خەوەردا لە خوەیکوشتن گەنجیگ لەناو شار کوینە ناوەند پارێزگاگە.
سەرچەوەگە ئەرا ئاژانس شەفەق نیوز وت: گەنجیگ لە تەمەن ٢٠ ساڵان خوەی دادە سێدارە لە ناوچەی گەڕەک نیدا ناوڕاس شار نەجەف.
سەرچەوەگە دیاری کرد کە هوکارەیل خوەیکوشتنەگە نادیارە و تەرمەگە ئەرا پزشک دادوەری بریا.
لە بەسرە، سەرچەوەیگ ئەمنی خەوەردا لە خوەیکوشتن گەنجیگ وە سێدارە لەناو ماڵەگەی لە ناوچەی خۆر زوبێر خوەرئاوای ناوەند پارێزگاگە.
سەرچەوەگە ئەرا ئاژانس شەفەق نیوز وت: گەنجیگ لەناو تەمەن بیس ساڵان، وە پەتیگ لەناو ماڵەگەی خوەرئاوای بەسرە خوەی هەڵوەسا، وەبی زانستن هووکارەیل خوەیکوشتنی.