شەفەق نیوز/ سنوور شار عمارە ناوەند پارێزگای میسان لەباشوور عراق، ئمڕوو پەنجشەممە، چالاکییگ زەویلەرزە وەخوەی دی.
دەزگای کەشوهەوا و رەوانگەی زەویلەزەی عراق لە بەیاننامەیگ رەسیە ئاژانس شەفەق نیوز وت: رەوانگەیل زەویلەرزەکانی، شەوەکی ئمڕوو، دوو زەویلەرزە لەنزیک سنوور ئیران و عراق لە سنوورەکە لەلای میسان تۆمار کردن.
وەگورەی دەزگاگە؛ یەکەم لەرزەگە وەهێز ٣،٣ پلە لە ساعەت ٨:١٤:٩ بوی وەدویری ٥٩ کێلومەتر لە خوەرهەڵات قەزای عەلی غەربی، و دوویەم لەرزەگە وەهێز ٣،١ پلە بوی لە ساعەت ٩:٤٠ وەدویری ٥٠ کێلومەتر لە خود ناوچەگە.