شەفەق نیوز/ بەغدادیەیل، شەوەکی ئمڕوو، لەبان نقومبوین بڕیگ لە جادەیل سەرەکی لەناو پایتەخت هاتنە خەوەر، لەوەر ئەو واران رفتە ک دویەشەو وارێد، و هیمان لە بەشیگ لە ناوچەیل وڵاتەکە وەردەوامە.
بەغداد و شمارەیگ لە پارێزگایل واران رفتیگ وەخوەیان دوینن، ک لە دویەکە جمعەو وەردەوامە، ئاوەگەی گەڕەک و بازاڕەیل و شوینەیل وەرزشی و بڕیگ ماڵیش نقوم کرد.
لەلای خوەییش، عەلی جایر زیادی شارەزای کەشناسی ئەرا ئاژانس شەفەق نیوز وت: مەزەنەیل دەسنشان کەن ک لە ئیوارەی رووژ دووشەممەی ئایندە واران نوویگ دەسوەپی بکەێد، و لە رووژ سێشەمە قویلەو بوود، و تا شەوەکی چوارشەممە وەردەوام بوود.
زیادی دیاری کرد ک سەختی وارانەگە لە ناوچەیل باشوور و ناوڕاس وڵاتەگە ناوڕاس تا رفت بوود، وەلێ تونیەگە لەی وتارانە کەمترە ک شەوەکی ئمڕوو شەممە وسیاوە.
زیادی وتیش: عراق چەوەڕی وارانیگە لە سەرتای ساڵ نوو، و ئەوەسە ک وەرجە چەن مانگیگ باسی کردم ک وەرز زمسان ئمساڵ دویای ناوڕاس کانوون یەکەم خاسترەو بوود.