شەفەق نیوز/ سەرچەوەیلیگ ئەمنی، ئمڕوو پەنجشەممە، خەوەردان لە تۆمارکردن دوو خوەیکوشتن، و پەیاکردن تەرمیگ وەشیوەی ناشرینیگ کوت کوت کریاگە، کوتەگانی کریانەسە کیسەی پلاستیک، لە رووداوەیلیگ جووراجور لە ناوچەیلیگ لە بەغداد پایتەخت و پارێزگای کەربەلا.

سەرچەوەگان ئەرا ئاژانس شەفەق نیوز وتن: ژنیگ ناونریاگ (ئ،م) لەداڵگبوی ١٩٩٣ لەناو شوقەگەی خوەی لە جادەی مەشاتل لە ناوچەی بنووک لە خوەرهەڵات بەغداد خوەی داگە سیدارە وکۆتایی وژیان خوەی هاورد.

سەرچەوەگان هەمیش وتن: ناونریاگ ( ع. ح) لە داڵگبوی ٢٠٠٣ هەمیش خوەی لەناو ژوورەگەی وەسێدارە داگە، لە ناوچەی حەی عامل.

و ئاماژە کرد ک تەرم نەناسریاگیگ دینەو لەناوچەی حەی عەسکەری لە کەربەلا فڕە دریاگە.

سەرچەوەگان دیاریکرن ک تەرمەگە کوت کوتەو کریاگە و سزانن هاپیەو و سەری لە لەشی جیاوە کریاگە و خریاگەسە ناو کیسەیل پلاستیک، و وتیش؛ ئاسان نیە ئاشکرای خاوەن تەرمەگە بکریەێد چوونکە شیوەیلی و تەواوی گوما بوینە.