شه‌فه‌ق نيوز/ هه‌ريه‌ك له محه‌مه‌د حه‌لبوسى سه‌رۆك ئه‌نجومه‌ن نوێنه‌ره‌يل و به‌رهه‌م ساڵح سه‌رۆك كۆمار، ئدانه‌ى ئه‌و په‌لامار چه‌كداريه كردن ك هاته تويش خوه‌ينيشانده‌ره‌يل له ناوڕاس به‌غداى پايته‌خت ك ده‌يان كوشياگ و زه‌خمدار له‌لى كه‌فته‌و.
نويسينگه‌ى سه‌رۆك ئه‌نجومه‌ن نوێنه‌ره‌يل له به‌ياننامه‌يگ وت: حه‌لبوسى وه گرنگى فريه‌يگه‌و نوڕسته‌سه ده‌سدريژيه چه‌كداريه‌گه له‌بان خوه‌ينيشانده‌ره‌يل ئاشتيخواز ك له‌لايه‌ن چه‌ته‌يليگ تاوانكار و له‌ياساده‌رچگ ئه‌نجامى دانه‌و شماره‌يگ قوربانى له كوشياگ و ه‌خمدار له‌لى كه‌فته‌و.
لاى خوه‌ييشه‌و, سه‌رۆكايه‌تى كۆمار له به‌ياننامه‌يگ وت: ساڵح وه گرنگى و ناڕه‌حه‌تى فريه‌يگه‌و چه‌وديرى ئه‌و رويداگه كردگه وه‌ل لايه‌نه‌يل په‌يوه‌نديدار حكومى و وتگه وه‌رپرسيارێتى ده‌زگايه‌يل ئه‌منيه مقه‌يه‌تى له خوه‌ينيشانده‌ره‌يل ئاشتيخواز و ماڵ و موڵك گشتى و تايبه‌ت بكه‌ن و مقه‌يه‌تى له گيان عراقيه‌يل بكه‌ن.
جى باسه، يه‌يش له‌وه‌ختيگه هويچ هه‌ڵويستيگ له عادل عه‌بدولمه‌هدى سه‌رۆك كار وه‌ڕيخه‌ر ده‌رنه‌چێ وه‌رانوه‌ر ئه‌و روێداگه ك جومعه كه‌فته‌و له ناوچه‌ى سنه‌ك له ناوڕاس به‌غداى پايته‌خت.