شەفەق نیوز/ هێزیگ ئەمنی لە پارێزگای زیقار، ئمڕوو سێشەممە، سێ مناڵ لە خوەرئاوای شار ناسریە پەیا کرد.
لە ووردەکاریەیل باوەتەگە، سەرچەوەگە ئەرا ئاژانس شەفەق نیوز وت: وەگوردەی قسەیل مناڵەیل ئەرا بنکەی پۆلیس بەتحا؛ باوگیان لە خەڵک قەزای رومێسەی سەروە پارێزگای موسەناس، فڕەیان داسە بان ری زوینەی ناودەوڵەتی، لەوەر مرافەیگ وەگەرد داڵگیان ک خوەی خەڵک قەزای رفاعیەس لە پارێزگای زیقار.
وتیش: فەرماندەی پۆلیس فەرمان دا مناڵەیل دانریەنە بنکەی پۆلیس قەزای رفاعی، تا ئەوەنە وەشیوەیگ خاستر بڕەسنە خاوەنیان.