شەفەق نیوز/ تیمەیل وەرگری شارستانی عراق، ئمڕوو پەنجشەممە، توەنستن دوو کراکار لەژیر رمیان قەواسەی مۆڵیگ لەژیر دروسکردن لە پارێزگای ئەنبار رزگار بکەن، لە یەکەم رویداو وەیجویرە وەماوەی ٢٠ ساعەت ک لە بەغداد پایتەخت بوی.
وەڕیەوبەرایەتی وەرگری شارستانی لە بەیاننامەیگ رەسیە ئاژانس شەفەق نیوز وت: تیمەیلی توەنستن دوو کراکار رزگار بکەن لەژیر ئاسن و چوو و چەمەنتو گیر هاتوێن، لە ئەنجام رمیان قەواسەی قات چوارەم مەوقەی کارکردن لە مۆڵ گەورەی رەمادی لە ناوچەی موعەلمین لە پارێزگای ئەنبار شەفەق ئمڕوو.
دیاری کرد ک تیمەیل وەرگری شارستانی رەسینە شوین رویداوەگە و دەسکردنە مینەکردن و رزگارکردن و دراوردن زەخمدارەیل لە کارەگە و رەسینە هانایان، و ئەرا خەسەخانەی رەمادی بریان، و لێکۆڵینەوە لە رویداوەگە واز کریا.
جی باسە ک یە دویەم رویداوە وەیجویرە وەماوەی کەمتر لە ٢٠ ساعەت، ک یەکەمەگە لە بەغداد ناوچەی زەیونە بوی ک ئەوەیش رمیان مۆڵیگ لەژیر دروسکردن بوی.