شەفەق نیوز/ وەرپرسیگ سەربازی، ئمڕوو شەممە، خەوەردا ک هێزیەیلیگ هاوبەش لە شەفەق ئمڕوو، دەسکردنە زەنحیرەیگ لە ئۆپراسیۆنەیل زوینە لە بیاوان پارێزگای ئەنبار و ناوچەیل نزیکی، وەئامانجکردن حەشارگەیل جیماگەیل داعش، ک لە رووژەبل دویایین چەن پەلاماریگ ئەنجامدان وژمارەیگ لە کەسەگان لەلیان بوینە قوربانی.
ئەوەیش لەدویای چەن ساعەتیگ لە راگەیانن فەرمی لە دەسکردن وە ئۆپراسیۆنەیلیگ ئەمنی نوو ئەرا وەشکین ناوچەی سلیجەی سەروە ئەنبار، وە مینەی داواکریاگەیل و چەک.
وەگورەی وەرپرسیگ لە فیرقەی دەهەم لە سوپای عراق؛ هێزە عراقیەگان چەن ناوچەیگ لە بیاوان ئەنبار لە بان سنوورەگە وەگەرد سوریا و باشوور روتبە دیاریکردن، و ئۆپراسیۆنەیل وەشکین وە پاڵپشتی فڕۆکەی سوپا جیوەجی کەن.
وەرپرسەگە ئەرا ئاژانس شەفەق نیوز وت: رفانن ئەندازیاریگ لە شار رەمادی لە ری ناوچەی روتبە و کوشتنی لە لایەن ریخریاگ داعش، ئاماژە کرد وە خوازین فرەیگ وە جیوەجیکردن ئیجوور ئۆپراسیۆنەیل زوینەیگ.
وەرپرسەگە دووپات کەێد ک هێزە عراقیەگان لەی ئۆپراسیۆنەیل نووە تەقەلا دەن هەر حەشارگەیگ یا چاڵەیلیگ لە بیاوانەگە بویننەو، ک ریخریاگ داعش پەنا وەپیان بەێد، وئاشکرا کرد لە هاوکاری لەناونی خەڵکەگە لە ناوچەیل کنار بیاوانەگە.