شەفەق نیوز/ سەرچەوەیگ خۆجێیی لە دیالە، ئمڕوو چوارشەممە، خەوەردا ک مەفرەزیل شارەوانی لە مەوقەی هەڵمەت لاوردن پێشێلکاریەیلە لە دەورگرد خانەقین کەفتنە وەر گولە.
سەرچەوەگە ئەرا ئاژانس شەفەق نیوز وت: کابرایگ تەپڵ لە کاردرەیل شارەوانی خانەقین کرد لە مەوقەی هەڵمەت لاوردن پێشێلکاریەیلە لە ناوچەی ئەرکەوازی لەبان ری خانەقین - مەنزەریە.
سەرچەوەگە وتیش: رووداوەگە نەویە هووکار هیچ زەخمدارییگ، و شارەوانی خانەقین سکاڵایگ دادوەری لەبان جیوەجیکەر پەلامارەگە تۆمار کرد، تا دەزگا ئەمنیەیلە دەسگیری بکەن.
دوێەکە سێشەممە، ئەندازیار عەبیر خەفاجی وەڕیەوبەر شارەوانی کەربەلا لە مەوقەی هەڵمەت لاوردن پێشێلکاریەیلە لە دەورگرد شار کەربەلا وە گولە کوشیا.