شەفەق نیوز/ فەرماندەی پۆلیس پارێزگای میسان، ئمڕوو پەنجشەممە، راگەیان دەسگیرکردن ٦ لە بازرگاتەیل هووشبەرە مەترسیدارەیل، ئەوەیش دویای تەقەکردن وەرانوەریان.

پۆلیس لە بەیاننامەیگ رەسیە ئاژانس شەفەق نیوز وت: مەفرەزەیل بەش پۆلیس دژە هووشبەرەکان وە بەشداری مەفرەزەیل فەوج تەکنیکی میسان، توێنست ٦ لە ئەندامە تاوانکاریە فرە مەترسیدارەکان لە پارێزگاگە دەسگیر بکەێد.

بەیاننامەگە وتیش؛ مینەکردن و وەشکین لەلایەن دەزگای ئەمن نیشتمانی رەسیە دیاریکردن خوەیشاردنەوەی  ٦ کەس لە بازرگانی هوەشبەرەیل کار کەن و ئەرا مقەیەتی خوەیان چەکداری کەن.

و دیاری کرد ک وەناکاوەو چگنە ناو ماڵەیلیان، وهەنای ئاگادار بوین ک مەفرەزیل پۆلیس دیرن لەلیان نزیکەو بوون، دەس کردنە  تەقە وەرەو پییان، و مەفرەزەیل تەقە کردن و توێنستن کۆنتڕۆڵ هەڵوێستەگە بکەن و دەسگیریان بکەن و دەس بنەنە بان بڕیگ لە هووشبەرەکان و جووراجور لە چەک و عەتادەیل.