شه‌فه‌ق نيوز/ ده‌زگاى په‌يجووريه‌يل له ده‌سه‌ى ده‌سپاكى ئاشكراى ئه‌وه كرد وه‌ڕيه‌وبه‌رايه‌تيه‌يل و نويسينگه‌يل په‌يجوورى سه‌ر وه ده‌سه‌گه چه‌ندين كرده‌وه‌ى كۆنترۆڵكردن له به‌غدا و پاريزگايه‌يل له‌ماوه‌ى مانگ ته‌شرين يه‌كه‌م گوزه‌يشت ئه‌نجام دانه.
ده‌زگاگه ئاماژه وه ئه‌وه كرد وه‌ڕيه‌وبه‌رايه‌تيه‌يل و نويسينگه‌يلێ(34)پرووسه ئه‌نجام دانه ك گه‌نده‌ڵى له‌تى ره‌سيه‌سه زياتر له(400,000,000,000) مليار دينار، باس له‌وه‌يش كرد بڕيگ پارچه شوونه‌وار دزرياگيش كۆنترۆڵ كرياگه ك نرخيان ئه‌ڕه‌سێده(200,000,000) مليۆن دولار له‌لاى(6)تومه‌تبار له زيقار
ده‌زگاگه باس له كۆنترۆڵكردن مادده‌يليگيش كرد نه‌گونجياى وه‌ل شيواز ئه‌و ريككه‌فتنه‌يله ك ئه‌نجام دريانه وه بڕ(80,096،432) مليۆن دۆلار ئه‌مريكى له كۆمپانياى نه‌فت به‌سره، يه‌يش بيجگه ئه‌وه‌گ پاريزگار كه‌ركوك بڕ (25,000,000,000) مليار دينار له دارايى تايبه‌ت وه پرووژه‌يل پاريزگاگه دابه‌ش كردگه له‌بان ئه‌و خاوه‌ن كۆمپانيايه‌يله ك په‌يوه‌ندى شه‌خسى و حزبى وه‌ليانا داشتگه.