شەفەق نیوز/ سەرچەوەیگ ئەمنی، ئمڕوو چوارشەممە، خەوەردا ک دوکانیگ زەڕنگەر وەشیوەیگ پیشەگەری کەفتە وەر دزیکردن، ئەوەیش لە ناوچەی شارع فەلەستین ناوڕاس بەغداد پایتەخت.
سەرچەوەگە ئەرا ئاژانس شەفەق نیوز وت: دوکانیگ زەڕنگەر لە دوکان هاوساگەی دیوارەگەی کونا کریاگە.
وەگورەی سەرچەوەگە، نزیکەی دە کێلوگرام تەڵا لەو دوکانە لە بازاڕ عەقاری لە جادەی فەلەستین دزی کریایە، و دووپات کرد ک ئیسە کار وەشکین کامیرایل چەودیاری کریەێد.