شەفەق نیوز/ ساعەتەیل رووژگ لە مابین وڵاتەیل عەرەبی وەپای شوین جوگرافیان جیاوازە، هاتی ساعەتەیل رووژگ گردن لە ناوچەیل هەمان وڵاتیش جیاواز بوود.
وەپای خەوەریگ لە ماڵپەڕ "Dw Arabic"، موسڵمانەیل وە تێکرا لە وڵاتەیل عەرەبی نزیکەی 15 ساعەت رووژگگرن جویر لە میسڕ و عراق، بیگومان وەختیگ ساعەتیل رووژ درویژترەو بوود وە بەراورد و شەو وەختەیل رووژگ گردن چەن خولەکیگ لە رووژ زیایەوبوود.
لەباوەت ئەو وڵاتە عەرەبیەیلە ک کەمترین ساعەت لەلی وە رووژگن لە جەهان عەرەبی، وڵات " گۆمۆرۆس" لە پێشەنگلیستەگەس، ک موسڵمانەیل تەنیا نزیکەی 12 سەعات و 37 خولەک رووژگ گرن.
لەوەختیگ درویژترین مانگ رەمەزان ئمساڵ لە مەغریبە، هەمیش لە جەزائیر و تونس ک نزیکەی 15 ساعەت و 45 خولەکە.