شەفەق نیوز/ وەڕیەوبەرایەتی وەرگری شارستانی عراق، ئمڕوو شەممە، دراوردن تەرم پەنج قوربانی راگەیان، ئەوەیش دویای رمیان ماڵیگ لە پارێزگای دیوانیە.
وەرگری شارستانی لە بەیاننامەیگ رەسیە ئاژانس شەفەق نیوز وت: تیمەیلی تەرم پەنج کەس لەیەک بنەماڵە دراوردن، مناڵیش هاناویان، ئەوەیش لە ژیر ماڵیگ کوینە وە خشت و گەچ و شەڵمان دروس کریاگە، لە ناوچەی گەڕەک وەحد لە پارێزگای دیوانیە.
بەیاننامەگە وتیش: تیمەیل وەرگری شارستانی وەکوتپڕ رەسینە شوین رویداوەگە و دەسکردنە هەڵگردن رمیایەگە و تەرمەیل دراوردن، تا بەێدەیانە دەس پزشک دادوەری.