دراوردن تەرم گەنجیگ خنکیاگ لە سەڵاحەدین

شەفەق نیوز/ سەرچەوەیگ ئەمنی لە سەڵاحەدین، ئمڕوو شەممە، خەوەردا لە دراوردن تەرم گەنجیگ لەناو چەم دیجلە لە دەورگرد شار تکریت خنکیایە.

سەرچەوەگە ئەرا ئاژانس شەفەق نیوز وت: پۆلیس ئاوی توەنست تەرم گەنجیگ لەناو چەم دیجلە درارێد، ک مەوقەی تەقەلای مەلەوانی کردنی لە دەورگرد شار تكريت خنکیایە.

وتیش: تەرم خنکیایەگە بریا پزیشک دادوەری ئەرا جیوەجیکردن ریکارەیل یاسایی.