شەفەق نیوز/ سەرچەوەیگ ئەمنی، ئمڕوو پنجشەممە، خەوەردا لە دراوردن تەرم سێ مناڵ لەناو چەم دیجلە ناوڕاس بەغداد خنکیانە، و هیمان مینەکردن کەسەیلیگتر لە خود شوینەگە وەردەوامە.
سەرچەوەگە ئەرا ئاژانس شەفەق نیوز وت: هيزيگ ئەمنی تەرم سێ مناڵ لەناو چەم دیجلە دراورد، لە نزیک پیەڵ موعەلەق ناوڕاس بەغداد پایتەخت، و کەفتیەسە مینەی کەسەیلیگ تر کە لە خود شوینەگە خنکیانە.
سەرچەوەگە دیاری کرد ک تا ئیسە دیار نییە ئەگەر ئەو مناڵەیلە لە مەوقەی مەلەوانی خنکیانە یا چشتیگتر بویە، وتیش؛ لێکۆڵینەوە لەی باوەتە وەردەوامە.