شەفەق نیوز/ دەسڵاتدارەیل ناوخوەیی لە پارێزگای زیقار، ئمڕوو پەنجشەممە، شمارەیگ رویداو ئەمنی توومارکرد لەماوەی چەن ساعەتیگ لەناویانیش خوەیکوشتن وە گولە.
سەرچەوەگە وە ئاژانس شەفەق نیوز راگەیان، "هێزەیل ئەمنی توەنستن تەرم دوو کەس لەناو چەم غەراف درارن لە قەزای ئیسڵاح خوەرهەڵات شار ناسڕیە ناوەن پارێزگاگە، هەردووگیان لەوەر بەرزی پلەی گەرمی لەناو چەمەگە مەلەکردنە" دووپاتکرد " دوو خنکیایەگە خوەنەوار مەکتەون".
سەرچەوەگە وتیش، "رویداویگ ترەک نوقومبوین کوڕیگ 14 ساڵان توومارکردنە لە چەم غەراف باکوور زیقار، تەرمەگەی دراوریایە و سکالا لەدژ هاوڕێگانی توومارکریاس کە وەگەردی بوینە، و وەپای بڕگە مادەی 411 لە یاسای سزادان عراقی شمارە 111 ساڵ 1969 دەسگیرکریانە ".
لە رویداو ترەک سەرچەوەگە وت "کەسیگ چل ساڵان خوەی وە گولە کوشتیە، وە دەوانچە گولە وەسەر خوەیەو نایە لەناوڕاس شار ناسڕیە ناوەن پارێزگاگە" وتیش " هووکار رویداوەگە گیچەڵ خێزانی بویە".